Шри Ланка улсад болж буй бодибилдинг, фитнесийн Ази тивийн аварга шалгаруулах 18 дахь удаагийн тэмцээнээс олон улсын хэмжээний мастер С.Сугарсүрэн алтан медаль хүртлээ. Ингэснээр С.Сугарсүрэн бодибилдинг, фитнесийн тивийн аваргаас алтан медаль хүртсэн Монголын тав дахь тамирчин болж байгаа юм.
Харин эрэгтэйчүүдийн фитнесс төрөлд хүч үзсэн Ч.Цогтбаатар мөнгө, Д.Баасандорж хүрэл медаль хүртсэн байна. Үлдсэн зургаан тамирчин байр эзэлж медаль хүртээгүй ч бүгд шигшээд шалгарсан жигд амжилт үзүүллээ. Дашрамд сонирхуулахад, манай бодибилдинг, фитнесийн тамирчид Азийн аварга шалгаруулах тэмцээнээс өмнө нь дөрвөн алт, дөрвөн мөнгө, нэг хүрэл медаль хүртэж байсан юм.