Германы хөлбөмбөгийн шигшээ багийн довтлогч Мирослав Клозе ДАШТ-ий хэсгийн тэмцээнээр Ганын багтай тоглохдоо дэлхийн аварга шалгаруулах тэмцээний дэвжээнд 15 дахь гоолоо оруулж бразилийн хөлбөмбөгч Рональдогийн амжилтыг давтлаа. Дэлхийн аварга шалгаруулах тэмцээнд хамгийн олон буюу 15 гоол оруулсан тамирчин өнөө хүртэл ганцхан Рональдо байсан юм.
Дэлхийн аварга шалгаруулах тэмцээнд дөрвөн удаа оролцож байгаа Клозе 2002 оны тэмцээнээс мөнгөн медальтай буцаж байсан бол 2006, 2010 оны ДАШТ-ээс германы баг хүрэл медаль хүртсэн юм. Клозе Германы шигшээ багийн түүхэнд хамгийн олон буюу 70 гоол хийсэн тамирчин юм.
Рональдо мөн ДАШТ-д дөрвөн удаа /1994, 1998,2002,2006/  оролцож хоёр удаа алт, нэг удаа мөнгөн медаль хүртэж байсан юм. Рональдо бразилын шигшээ багт байхдаа 98 удаа тэмцээнд орж 62 гоол хийжээ. 2002 оны ДАШТ-д тэрээр 8 гоол оруулж байсан юм.