Бразильд болж буй ДАШТ-ий үеэр Коста Рика, Голландын тоглолтын үеэр Коста Рикагийн төв талбайд гурван хүн хутгалсан хэрэг гарчээ. Тус улсын хөлбөмбөгийн фанатууд нийслэл Сан Хосегийн Ардчиллын талбай дээр бөөнөөрөө цуглан тоглолт үзэж байх үед энэ хэрэг гарсан юм. Тоглолт дуусахад хэдхэн минут үлдэж, хоёр баг торгуулийн цохилт гүйцэтгэж байхад хуран цугларсан олон дунд гэнэт гурван залуу ар нуруундаа хүйтэн мэс зоолгожээ. Энэ бүхэн юунаас болсон, хэн энэ хэргийг үйлдсэн нь тодорхойгүй байна. Энэ явдал болохтой ч зэрэгцээд Коста Рикагийн баг өрсөлдөгч Голландад ялагдсан юм.