Хөлбөмбөгийн дэлхийн аварга шалгаруулах тэмцээний хагас шигшээд Аргентин, Нидерландын баг “Сан-Паулу дэвжээ”-нд тоглон Аргентины баг 4:2-ын харьцаагаар хожиж алтан медалийн төлөө тоглох эрхтэй боллоо. Хоёр ширүүн багийн тэмцээн тун өрсөлдөөнтэй болж үндсэн болон нэмэлт цаг ч 0:0 гэж дууссан ч пенальтийн цохилтоор аргентинчууд илүүрхэж дэлхийн аваргын тэмцээний алтан медалийн төлөө Германы шигшээ багтай халз үзэхээр тунаж үлдлээ.

Алтан медалийн төлөөх Аргентин, Германы шигшээ багийн тэмцээн долдугаар сарын 13-нд бразилийн нийслэл Рио-де-Жанейрогийн “Маракан” цэнгэлдэх хүрээлэнд болно.