Тулгар төрийн 2223, Их монгол улс байгуулагдсаны 808, Ардын хувьсгалын 93 жилийн ой,  Үндэсний Их баяр наадмын  шагайн харваанд энэ жил аймаг орон нутгийн шагайн багуудаас гадна  АНУ, Бельги, БНСУ-д ажиллаж амьдарч байгаа монгол иргэдийн шагайн багууд хүрэлцэн ирж оролцож байна.
Шагайн тэмцээнд энэ жил 50 багийн 490 гаруй харваач хуран цуглаж, цэц мэргээ сорьж байгаа юм. Үндэсний их баяр наадмын шагайн харваанд улс аймгийн цолтой  236 харвьаач оролцож байгаагийн дотор үлэмж дархан мэргэн 48, дархан мэргэн 21, гарамгай мэргэн 51, улсын мэргэн 17, улсын дэд  мэргэн 22, харьшгүй мэргэн 8, аймгийн гоц мэргэн 55 байна.
Хамгийн ахмад харваач нь Дундговь аймгийн харьяат 91 настай Д.Санжаагэндэн, залуу харваач нь Хэнтий аймгийн харваач 9 настай Цогт-Өлзий нар байгаа аж.