“Нийслэлийн ажилгүй иргэдийг бүлгийн зохион байгуулалттайгаар газар тариалан эрхлүүлэх хөтөлбөр-2012” хэрэгжиж эхэллээ. Эл хөтөлбөрт Нийслэлийн хөдөлмөрийн газар, дүүргүүдийн ХХҮХ-т бүртгэлтэй ажилгүй, орлого багатай иргэдийг хороодын бүртгэлд тулгуурлан бүлгийн зохион байгуулалтад оруулан газар тариалан эрхлүүлж, тариалсан ногоог нь хадгалах, борлуулахад мэргэжил арга зүй, санхүү болон материаллаг дэмжлэг үзүүлэх гэнэ. Засгийн газраас 2012 оныг “Өрхийн үйлдвэрлэлийг дэмжих жил” болгон зарласантай холбогдуулан хөдөлмөрийн насны 1050 хүн хөтөлбөрт хамрагдан амьдрал ахуйгаа дээшлүүлэх юм байна.