Арилжааны банкууд ШӨХТГ-ыг захиргааны хэргийн шүүхэд өгчээ. Иргэдээс ШӨХТГ-т арилжааны банкууд зээл олгохдоо шимтгэл, хураамж нэрээр мөнгө суутган авдаг тухай удаа дараа гомдол ирүүлсний дагуу шалгажээ.

Тодруулбал тус газраас зургаан сарын хугацаанд арилжааны 13 банкинд шалгалт хийхэд зээл олгоход үүсч буй зардал нэрээр нийт зээлийн нэг хувьтай тэнцэх хэмжээний шимтгэл авч буйг хууль бус болохыг тогтоосон байна. Тиймээс дээрх шимтгэлийг авахгүй байхыг хүссэн албан бичгийг банкуудад хүргүүлжээ.Уг шаардлагыг банкууд биелүүлсэн бол иргэд зээл авахдаа нэг хувийн шимтгэл төлөхгүй байх бүрэн боломжтой болох юм хэмээн ШӨХТГ-ын Өрсөлдөөний зохицуулах хэлтсийн дарга Л.Ган-Өлзий хэллээ.