“Гал үндэстэн” холбооны тэргүүн Ц.Мөнхбаярыг УИХ-ын гишүүн Г.Уянга, С.Ганбаатар нар эргэж очсон байна. Ц.Мөнхбаяр шоронд монгол бичиг сурч, Монгол Улсын Ерөнхийлөгчид хандан захидал бичсэнээ гишүүдэд дайж явуулжээ. Тэрээр төр, төрийн тэргүүнээ хүндэтгэж заавал монгол бичгээр хандаж байгаа гэнэ. Захидалдаа Монгол Улсын тусгаар тогтнол, үндэсний аюулгүй байдал, газар нутгийн бүрэн бүтэн байдалд тулгарсан аюул, гэмт халдлагыг няцаахын тулд аргагүй хамгаалалт хийх гарцаагүй байдал тулгарсан. Гэтэл үүнийг шүүхээс ял тулгаж шийдэж, гүжирдэж, хэлмэгдүүлсэн учир хоригдож байгаа. Монгол Улсын Үндсэн хууль, Монгол Улсын нэгдэн орсон олон улсын гэрээ, Монгол Улсын иргэний хуулийг зөрчсөн Засгийн газрын энэ үйлдлийг шүүх хамгаалж, улс үндэстний эрх ашигт харш шийдвэр гаргасан харамсч буйгаа илэрхийлжээ. Ингээд тэрээр “Бидэнд байгуулсан гавьяа үгүй, бидэнд үйлдсэн гэм буруу үгүй” гээд монгол хүн бүрийн заяамал эрхийн журамт үүргээ биелүүлсэн хэмээн захидлаа төгсгөсөн байна.

Ц.Мөнхбаяр нар шүүхэд хандаж гомдол гаргаснаа Ерөнхийлөгчид илгээсэн захидалтайгаа хамт хүргүүлж байгаа аж.

УИХ-ын гишүүн Г.Уянга өчигдөр болж өнгөрсөн Улс төрийн хилс хэрэгт хэлмэгдэгдсийн дурсгалыг хүндэтгэх ёслолд Ц.Мөнхбаярын зураг бүхий цамц өмсч түүнийг буруугүй гэж үзэж буйгаа илэрхийлжээ. Тэрээр мөн түүний хүү М.Эрдэнийг өөрийн бие төлөөлөгчөөр ажиллуулахаар болсон гэнэ. М.Эрдэнэ нь ээж, гурван дүүгээ тэжээж өрх гэрээ авч явахын тулд пицца хүргэгчийн ажил хийж байсан учир УИХ-ын гишүүний бие төлөөлөгч болгож байгаа гэсэн юм.