УИХ дахь МАХН-МҮАН-ын “Шударга ёс” эвслийн бүлгийн дарга Н.Батцэрэг өнөөдрийн бүлгийн хуралдаанаар хэлэлцсэн асуудлын талаар хэвлэлийнхэн Төрийн ордоны Г танхимд мэдээлэл хийлээ.

Тус бүлэг хуралдаанаараа бүлгийн дотоод асуудлыг ярилцсан байна. Өнгөрсөн хоёр жилийн хугацаанд бүлгийн гишүүдийн зүгээс өргөн барьсан хууль, мөрийн хөтөлбөрийн хэрэгжилт, Засгийн газрын бүрэлдэхүүнд ажиллаж буй сайд нарын ажлын үр дүн зэргийг авч хэлэлцсэн аж. Мөн тус бүлгийн гишүүдээс өргөн барьсан хуулиудыг яаралтай хэлэлцүүлэх шаардлагатай гэж үзсэн байна.

УИХ-ын чуулганы хугацаанд хэлэлцэх зарим асуудлыг авч товчоор авч хэлэлцсэний дотор улсын төсвийг хэлэлцэхдээ мэргэжлийн хүмүүсийг хамруулж, өргөн хүрээнд асуудлыг авч үзэх хэрэгтэй хэмээн тогтсон байна. Иймд энэ асуудлын хүрээнд Монголбанкны ерөнхийлөгчийн мэдээллийг ирэх долоо хоногт сонсох чиглэл гаргажээ. Цаашилбал Чингис, Самурай бондын зарцуулалттай холбоотой мэдээллийг сонсохоор болжээ. Түүнчлэн тус бүлэг ахмадуудын тэтгэврийг инфляцитай уялдуулж нэмэгдүүлэх нь зүйтэй хэмээн үзсэн байна.