Азийн наадмын эрэгтэйчүүдийн марафон гүйлтийн тэмцээнд манай тамирчин Б.Сэр-Од IV байрт шалгарчээ. Улаанбаатарын цагаар 08.00 цагт эхэлсэн тус тэмцээнд 19 тамирчин гараанаас гарснаас Бахрайны тамирчин Али Хасан Манбууб 2:12:38 цагийн амжилтаар түрүүлсэн бол Японы тамирчин Матцумура, Каваучи нар мөнгө, хүрэл медаль хүртлээ. Монгол Улсын Гавьяат тамирчин Б.Сэр-Од марафонд түрүүлсэн Бахрейны тамирчнаас ердөө 43 секундын дараа барианд орж ирсэн юм.  Тэрээр  30 км-ээс эхлэн уралдааныг тэргүүлж байсан ч сүүлийн хоёр км-т арын тамирчдад баригдсанаар медалиас мултарлаа. Энэ тэмцээнд мөн л улсаа төлөөлөн оролцсон тамирчин Б.Гантулга 2:20:54 цагийн амжилтаар IX байрт шалгарчээ.