Тус намын бүлэг өнөөдөр Төрийн ордонд хуралдсан ч бүлгийн хуралдаанаас улс орны тулгамдсан асуудлаар чухам ямар байр суурьт хүрсэн талаарх албан ёсны мэдээлэл хийсэнгүй, бүлгийн мэдээллийг хойшлууллаа. Өнөөдрийн хуралдаанаар Засгийн газраас УИХ-д өргөн бариад буй бүтцийн өөрчлөлт болон "Эзэн-100" хөтөлбөрийн үр дүн зэрэг асуудлыг хэлэлцсэн байна. Уг бүлэг "Эзэн-100" хөтөлбөрийг хангалтгүй хэрэгжсэн хэмээн дүгнэж байгаа ба Засгийн газрын боловсруулсан бүтцийн өөрчлөлтийн төслийг дахин авч үзэж, илүү цомхон байдлаар зохион байгуулалтад оруулах хэрэгтэй гэсэн байр суурьтай байгаа юм.