Дорнод аймгийн Баяндун суманд гарсан түймрийг унтраахаар ажиллаж байсан Онцгой байдлын гурван албан хаагч харамсалтайгаар түлэгдэж амь насаа алдсан хэрэг энэ сарын 8-нд гарсан. Амь насаа алдсан гурван залуугаас гадна ахлах ахлагч Г.Багабиш 90 хувь, ахлагч А.Болорсүх 60 хувийн түлэгдэлтэй нийслэлд ирж ГССҮТ-д эмчлүүлж байсан юм. Тэгвэл өчигдөр өглөө тэнгэрт бас нэг од харваж Г.Багабиш түлэгдэлтийн хордлогын улмаас амь насаа алдсан таагүй мэдээллийг албаныхан өглөө. Тэрээр маргааш өглөө А.Болорсүхийн хамт эмчилгээ хийлгэхээр БНСУ-ыг зорих гэж байсан юм.