Өнөөдөр Спортын бэлтгэлийн төвд БНСУ-ын Инчеон хотноо болсон 17 дахь удаагийн Азийн наадамд оролцсон тамирчдын талаар Монголын боксын холбооны удирдах албаныхан хэвлэлийн бага хурал хийв.

Энэхүү хурлын үеэр цаашид Монгол Улс өөрийн шүүгчдээс олон улсад төлөөлөлтэй болгох талаар ажиллаж байгаагаа МБХ-ныхон онцлов. Одоогоор манайд гурван одтой олон улсын зэрэглэлийн хоёр шүүгч байдаг. Иймд ирэх 11 дүгээр сард болох Олон улсын боксын холбооны хуралд  төлөөллөө оролцуулж энэ шүүгчдээс олимп, дэлхий, тивийн болон олон улсын тэмцээнийг шүүх эрхийг олгуулахаар саналаа өргөн барихаар төлөвлөжээ.