Чилийн нийслэл Сантьяго хотод “Орон гэргүй хүмүүсийн ДАШТ” нэртэй олон улсын мини-хөл бөмбөгийн тэмцээн өнгөрсөн амралтын өдөр эхэлжээ.

Эхний тоглолтод талбайн эзэн Чили хөрш Аргентиныг 16-0 оноогоор хожсон байна.
Энэ ням гараг хүртэл үргэлжлэх жил тутмын энэ арга хэмжээнд дэлхийн 54 баг оролцож байгаа ажээ.
Ням гарагт тоглолт эхлэхийн өмнө оролцогчид улсынхаа төрийн далбааг намируулан Сантьяго хотын гудамжаар явсан байна.
Орох оронгүй, согтууруулах ундаа уудаг хүмүүст амьдралаа хөл бөмбөгөөр дамжуулан өөрчлөхөд нь туслахаар сэтгүүлч байсан хоёр хүн энэ аргахэмжээг 2003 онд санаачлан зохион байгуулж эхэлжээ.