Нийслэлийн Газрын алба өнөөг хүртэл даргагүй байгаа. Тус газрын дарга Ц.Сандуй нийслэлийн Засаг даргын үйлдвэрлэл экологи хариуцсан орлогчоор томилогдсон юм. Тиймээс түүнийг дэд дарга М.Буяндэлгэр түр орлон ажиллаж байгаа ч даргагүйгээс ажлаа явуулахад бэрхшээлтэй байгаа аж. Тус газрын даргыг ЗТБХБЯ-ны Газрын харилцаа, барилга, геодези зураг зүйн газрын дарга Ц.Ганхүү, нийслэлийн Засаг дарга Г.Мөнхбаяр нар зөвшилцөн томилдог байна. Удахгүй тус газрын даргыг томилно гэдгээ ч хотын дарга хэлжээ.