Монголын хөрөнгийн биржийн өчигдрийн үнэт цаасны арилжаагаар нийт 29 ХК-ийн 71.8 сая төгрөгийн үнийн дүн бүхий 37.5 мянган ширхэг хувьцаа арилжжээ. “А” самбарын арилжаагаар 21 ХК-ийн 34.6 мянган ширхэг хувьцааг 70.1 сая төгрөгөөр, “В” самбарын арилжаагаар найман ХК-ийн 2.8 мянган ширхэг хувьцааг 1.7 cая төгрөгөөр тус тус арилжсан байна.
Мөн өдрийн арилжаагаар  137 хэлцэл хийгджээ. Нийт 29 үнэт цаас арилжигдсанаас гурвынх нь ханш өсч, 18 нь буурч, найман үнэт цаасны ханш тогтмол байлаа.
ТОП-20 индекс  20271.71 нэгж байгаа нь өмнөх өдрийнхтэй харьцуулахад 0.64 хувиар буурсан байна. Зах зээлийн нийт үнэлгээ нэг их наяд 904.2 тэрбум төгрөг болжээ.