УИХ-ын Аюулгүй байдал, гадаад бодлогын байнгын хорооны өчигдөр хуралдаж Байнгын хорооны тогтоолын төсөл хэлэлцлээ. Уг төсөлд Тусгай хяналтын дэд хороонд хуулийн хэрэгжилтийг шалгах үүрэг оноосон аж. Тодруулбал, Монгол Улсын Их Хурлын тухай хуулийн 34 дүгээр зүйлийн 34.6 дахь хэсэгт “Гишүүний харилцуур утас болон бусад тусгай хэрэглээний холбооны хэ­рэгсэл төрийн хамгаалалтад байх бөгөөд бүрэн эрхээ хэрэг­жүүлэх, үйл ажиллагаагаа явуу­лахтай холбогдсон шуу­дан, захидал харилцааны бо­лон мэдээллийн нууцыг зад­руулахыг хориглоно” хэмээн заасан хуулийн хэрэгжилтийг дээрх дэд хороо шалгах үүрэг хүлээв. Энэ нь, УИХ-ын зарим гишүүний утасны дугаар ашиглан “Мобиком" корпорац, "Юнител" группийн үүрэн телефоны сүлжээгээр олон нийтэд мэдээлэл тараасан явдалтай холбогдож буй юм. Уг тогтоолын төслийг хаалттай хэлэлцэх нь зүйтэй гэсэн УИХ-ын гишүүн Д.Дэмбэрэлийн гаргасан горимын саналыг хуралдаанд оролцсон гишүүдийн олонх дэмжсэн тул Байнгын хорооны хуралдаан хаалттай горимоор асуудлаа хэлэлцэж дуусгав.