Стандартын шаардлага хангахгүй хүнд даацын ачааны автомашин орж ирж нийтийн хэрэгцээний замаар хөдөлгөөнд оролцсоноос сүүлийн хоёр жилд зам ихээр эвдэрсэн хэмээн албаныхан хэлж байна. Замын нөхцөлөөс шалтгаалан гарсан осол 2010 оныхоос улсын хэмжээнд долоо дахин, нийслэлд 14 дахин өсчээ. Одоогийн байдлаар замын хөдөлгөөнд оролцох зөвшөөрөл хүссэн 882 аж ахуйн нэгжийн 5661 машины хүсэлтээс 720 байгууллагын 4485 машинд, хувь хүний 4899 машинд зөвшөөрөл хүссэнээс 4115-д нь нийслэлд нэвтрэх зөвшөөрөл олгоод байгаа аж.