Хөлбөмбөгийн Барселона багийн од тоглогч Лионель Месси Аяаксын эсрэг тоглохдоо хоёр гоол оруулснаар Аваргуудын лигийн бүх цаг үеийн рекордыг тэргүүлж эхлэв. Энэ хоёр гоолыг оруулснаар өнөө цаг үеийн хамгийн шилдэг хөлбөмбөгч Л.Месси 71 гоолтойгоор бусдыгаа манлайлах боллоо. Өмнө нь хөлбөмбөгч Рол аваргуудын лигт 142 удаа тоглохдоо 71 гоол оруулснаар жагсаалтыг тэргүүлж байсан бол Л.Месси ердөө 90 тоглолтоор түүний амжилтыг эвджээ. Түүнтэй өнөө цагт, нэгэн үед тоглож яваа хөлбөмбөгч Кристиану Рональду энэ жагсаалтын гуравт 70 гоолтойгоор бичигдэж байна. Тэрээр аваргуудын лигийн 107 тоглолтод оролцохдоо энэ бүх гоолыг оруулжээ. Барселонагийн менежер Луйс Энрике багийнхаа сод тоглогчийн талаар “Месси гарцаагүй миний мэдэх хамгийн шилдэг тоглогч” хэмээн хэлсэн байна.