Улсын хэмжээнд он гарсаар 135 удаагийн ой, хээрийн түймэр гарснаас өнөөдрийн байдлаар Хөвсгөл аймгийн дөрвөн сумын нутагт зургаан түймэр асч, Архангай, Хөвсгөл, Булган, Хэнтий аймгийн долоон сумын нутагт долоон түймрийг цурманд оруулаад байгаа аж. Мөн Булган, Завхан, Хөвсгөл аймгийн нутагт гарсан дөрвөн түймрийг бүрэн унтраажээ. Түймрийг унтраахаар Онцгой байдлын албанаас 200 гаруй албан хаагч, хилийн цэргийн албан хаагчид, аймаг, сум, орон нутгийн 900 гаруй иргэн, нийт 1140 хүн ажиллаж байна. Өнгөрсөн шөнө түймрийн голомтуудад уулаараа 10-15 см нойтон цастай, тэнгэр бүрхэг хүйтэн хоносон тухай ОБЕГ-аас мэдээллээ.