Өнөөдөр дэлхийн хөлбөмбөгийн хаан гэгддэг домогт Пеле Сантос хотын нэгэн музей номны танилцуулгад оролцох ёстой байсан ч эрүүл мэндийн асуудлаас болж чадсангүй.

Хөлбөмбөгийн хааныг яаралтай тусламжийн машинаар эмнэгэт хүргэсэн байна. "Globoesporte" сайтын мэдээлж байгаагаар эмч нөр Пелед үзлэг хийгээд ходоодны хямрал гэсэн онош тавьсан байна. Гэхдээ цаашдаа Пелед нарийвчилсан шинжилгээ хийхээр болсон байна.

Эдсон Арантес Ду Насименту буюу Пеле нь өдгөө 74 настай.

Тэрээр мэргэжлийн хөлбөмбөгт гараагаа эхэлснээс хойш нийт 1363 тоглолтод оролцон 1289 гоол хийсэн.

1959 онд 19 настай Пеле ганцхан улиралд 103 удаагийн тоглолтоор 126 гол хийж байв.

90 удаа нэг тоглолтод гурван гоол хийсэн, 30 удаа дөрвөн гоол, дөрвөн удаа таван гоол, нэг удаа найман гоол хийж байв.

Бразилийн шигшээ багийн бүрэлдэхүүнд 92 тоглолт хийхдээ 77 гоол хийсэн байдаг.