ССАЖ-ын сайдын үүрэг гүйцэтгэгч Ц.Оюунгэрэл өчигдөр 2015 оны төсөв хэлэлцэх үеэр ЭЗХ-ийн сайд асан Н.Батбаяртай ам мурийсан. Шалтгаан нь ССАЖЯ-ны төсвийг танаад зогсохгүй, яамыг нь татан буулгах тухай хөндсөнөөс болсон аж. Улмаар тэднийг нэлээн ширүүн муудалцаж, Ц.Оюунгэрэл Н.Батбаяр руу гар утсаа шидэж, түүний толгойг хагалсан гэсэн мэдээлэл ч гарсан. Энэ талаар “Монголынхоо соёлын төлөө яг адилхан санаа зовж яваа Н.Батбаяр гишүүн бид хоёр дэмий баахан муудалцав. Эргээд хартал хоёул нэг л зорилготой байсан” хэмээн твиттер хуудастаа Ц.Оюунгэрэл бичсэн байлаа.
Харин Н.Батбаяр ССАЖЯ-наас өндөр өртөгтэй тендер авахыг хүссэн саналыг нь хүлээж аваагүй учир ийнхүү яамаар нь оролдож эхэлсэн гэдгийг эх сурвалж хэлсэн юм. Энэ талаар ССАЖЯ-ны Төрийн нарийн бичгийн дарга ажилтнуудынхаа хурал дээр ч хэлсэн удаатай гэнэ.