Монгол авилгын түвшнээр 156 дугаарт оржээ

МОНГОЛ УЛСЫН ТӨРИЙН ШАГНАЛТ, ЯРУУ НАЙРАГЧ “Р.ЧОЙНОМ 90 ЖИЛ”-ИЙН ОЙ ТОХИОЖ БАЙНА Гадна хаяг, зар сурталчилгаанд тавигдах стандартыг мөрдүүлэх ажлыг эхлүүллээ Байгаль орчин, хүнс, хөдөө аж ахуйн байнгын хорооны гишүүд Дэлхийн банкны төлөөлөлтэй уулзлаа Аж ахуйн нэгжийн орлогын албан татварын тухай хуульд нэмэлт оруулах тухай хуулийн төслийг өргөн мэдүүлэв Зөвлөлдөх зөвлөлийн гишүүдийг сонгон шалгаруулж, томиллоо Монгол Улс Ардчиллын индексээр зургаан байраар урагшиллаа Макро эдийн засгийн өсөлтийг өрх бүрд хүргэх Ерөнхий сайдын албан даалгавар гарлаа Улсын Их Хурлын дарга Н.Учрал Олборлох салбарын ил тод байдлын санаачилгын Азийн бүс хариуцсан захирал Олиана Валигуратай уулзлаа Цээжний хөндийн битүү гэмтэл, хавирганы хугарлыг бэхлэх мэс заслыг орон нутгийн эмч нар хийж эхэллээ АНУ: Цагаачлалын шинэчлэл, визийн системийн өөрчлөлтүүдийг танилцууллаа

2014-11-14

"Transparency International" гэдэг байгууллагаас жил болгон дэлхийн улс орнуудад авлигын түвшин ямаршуу байгааг харуулсан тайлан гаргаж дуулиан тарьдаг. ХОёр жилийн өмнө манайхан энэ жагсаалтад огцом өсч байснаа ахиад огцом унасан. Төр засгийн байгууллагуудын зардал, зарлагыг ил тод болгох, өөрөөр хэлбэл "тунгалаг" гэхийн оронд "шилэн" гэж калькдан орчуулгатай тодорхойлолт бүхий данстай болсноор авлигын асуудлыг шийдэх боломжгүй гэдгийг энэ уналт харуулсан.

Гэхдээ
"Transparency International"-аас гаргадаг авлигын түвшний жагсаалт гарах болгонд доогуур орсон улс орны зүгээс элдэв шүүмжлэл гардаг нь бараг ёс гэж болно. Тэд энэ жагсаалтыг шударга бус, өрнөдийн орнуудын дарамт шахалтаар гаргасан, өрнөдийн бизнесийн эрх ашгийг төлөөлсөн гэх мэт элдэв шүүмжлэл гардаг.

Тэгвэл
"TRACE International" байгууллагаас "Rand Corporation" шинжилгээ судалгааны төвтэй хамтран дэлхий дахинаа хүн өөрийн хүсэл зоригийн дагуу чөлөөтэйгээр ажил хөдөлмөр, бизнес эхлүүлэхэд учирдаг гол саад болдог авлигын түвшнийг илэрхийлсэн "TRACE Matrix" нэртэй шинэ жагсаалт гаргасан байна.

Энэ жагсаалтад улс орнуудын бизнес эрхлэгчид тухайн улсын эрх баригчидтай ямаршуу байдлаар харилцан ажилладаг, тухайн улсад авлигын эсрэг ямаршуу хууль журамтай ба тэдгээрийг амьдралд хэрхэн хэрэгжүүлдэг, авлигатай тэмцэх үйл явцыг олон нийт, түүний дотор хэвлэл мэдээллийн хэрэгслийн зүгээс хянах боломж гэсэн дөрвөн үзүүлэлтээр шүүсэн байна.

Сүүлийн хоёр жилийн турш авлигатай чухам бүр тэмцээд удаа дараалан ялалт байгуулаад байгаа манай улс жагсаалтад орсон 198 орны дотроос 156 дугаарт орсон байна. Афганистан, Сьерра-Леоне, Ирак гэсэн дайн байлдаантай улсууд манайхаас илүү авлигатай болж таарчээ.

Манайх эрх чөлөөт улс, иргэн болгон нь хүссэн үедээ бусдад хор гэм болохооргүй бизнес эхлүүлж, эрхлэх эрхтэй. Гэтэл бодит байдал дээр ямаршуу байдалтай байгааг энэ жагсаалт хамгийн тод харуулж байна гэж болно.

Бизнес чөлөөтэй эрхлэх боломжоор Гаити улс манайхаас дээр байна гэж бодохоор хэлэх ч үг олдохгүй юм. Гаити төдийгүй хаа байсан Гана, Буркина Фасод бизнес эхлүүлж эрхлэх нь манайд бизнес хийснээс илүү байна гэдгийг энэ жагсаалт харуулж байна. Дайн байлдаантай, босогчид нь хүний мах иддэг гэдгээрээ зартай Папуа Шинэ Гвиней хүртэл авлигын түвшнээр манайхаас дээр оржээ.

Энэ юу болоод байна вэ?