Хүүхдүүд бөөнөөрөө буюу хоёр гурваараа явж байгаад осолд өртөх нь нэмэгджээ. Ийм осол ихэвчлэн хүүхдүүд олуулаа ойртон ирж яваа автомашины урдуур гэнэт гүйх, зам дээр тоглох зэргээс үүдэн гарч байна. Мөн замаар гарахдаа чихэвчээр хөгжим сонсох, гар утсаараа мессеж бичих, утсаар ярих зэрэг анхаарал сарниулах үйлдэл хийснээс хохирох нь их байгаа юм. Улсын хэмжээнд 2011 онд хүүхэд замын осолд өртсөн 962 тохиолдол бүртгэгдсэнээс 40 хүүхэд нас барж, 900 гаруй хүүхэд бэртэж гэмтжээ. Харин нийслэлийн хэмжээнд эхний дөрвөн сарын байдлаар 250 осол бүртгэгдэж, гурван хүүхэд нас барж, 267 хүүхэд  гэмтэл авчээ.