Олон улсын жүдо бөхийн холбоо /IJF/-ны 2014 оны хуваарьт багтсан “Токиогийн Их дуулга”  тэмцээн энэ сарын 5-7-нд Токио хотноо болно.

Энэ жилийн хамгийн сүүлийн гэгдэх уг тэмцээнд дэлхийн 72 орны баг тамирчид оролцож ур чадвараа сорино. Харин манай улсаас Хөдөлмөрийн баатар, олимпийн алт, мөнгөн медальт Н.Түвшинбаяр, Дэлхийн аварга Х.Цагаанбаатар, Г.Болдбаатар, С.Ням-Очир, Д.Төмөрхүлэг нарын шилдэг жүдочид манлайлсан 20 тамирчны бүрэлдэхүүнтэй баг оролцохоор мэдүүлгээ өгчээ.