Туул голыг хамгаалахын тулд захиргаа байгуулахаар болжээ.  БОАЖ-ын сайд Д.Цогтбаатар энэ тухай “Туул гол дээр очсоны дараа Туулын захиргаа гэж бий болгоё гэж санаачилсан юм. Туул голын дээд зөвлөл гээд үйл ажиллагаа явуулдаг хэдий ч төрийн бус байгууллага учраас ямар ч санхүүжилт байхгүй. Сайн дурын хүмүүсийн хүчээр үйл ажиллагаа явуулдаг болохоор хүн, хүч нь хаанаа ч хүрдэггүй юм билээ. Захиргаа байгуулснаар хариуцах эзэнтэй, зарцуулах хөрөнгө мөнгөтэй болно гэсэн үг. Саяхан батлагдсан Байгаль орчны шинэ хуулиар ус, гол мөрний дагуух 29 сав газарт захиргаа байгуулна” гэж ярилаа.