Улаанбаатарт бүртгэлтэй автотээврийн болон өөрөө явагч хэрэгслийн албан татвар, агаарын бохирдлын төлбөр хураах ажил нэгдүгээр сарын 2-ны өдрөөс эхэлсэн. Тун удахгүй татвар хураалтын хугацаа дуусна. Энэ жилийн хувьд 220 мянган тээврийн хэрэгслээс 12 тэрбум төгрөгийг замын санд төвлөрүүлэхээр байгаа юм. Татвар хураалтыг эрчимжүүлэхээр Нийслэлийн Засаг даргын 891 тоот захирамжийн дагуу  нийслэлийн хэмжээнд хотын ерөнхий менежер Ч.Батаар ахлуулсан ажлын хэсэг ажиллаж байна.