Монголын үндэсний сагсан бөмбөгийн холбоо шинэ оны босгон дээр шилдгүүдээ тодрууллаа. Энэ онд олон улсын чанартай цөөнгүй тэмцээн уралдаанд баг, тамирчдаа бэлтгэн оруулсан тус холбоо багийн спорт тэр дундаа Монголын сагсан бөмбөгийн спорт өндөр хөгжиж буйг “Инчон-2014” Азийн наадамд нотлон харуулсан. Улмаар энэ оны шилдгийн шилдэг тамирчнаар Азийн 20 орчим орны шилдэг найман сагсчны нэгээр шалгарсан Т.Санчирыг тодруулсан байна.Тэрбээр энэ улирлын лигийн тэмцээнд “Гурвантамир” багийн бүрэлдэхүүнд багтаж гайхалтай тоглолтууд үзүүлсээр байгаа билээ.