УС-15 байруудыг төвлөрсөн дулааны шугамд холбох ажил эхэлжээ. Сүүлийн 20 гаруй жил өөрийн нам даралтын зуухаар оршин суугчдаа дулаанаар хангадаг эл байрны ирээдүй тун бүрхэг байсан юм. Учир нь, хувьчлалаар авсан гэх компани нь зуухыг хувьчилж авах нэрээр тоног төхөөрөмжийг нь тонож, сүүлийн хоёр жил дулаанаар бүрэн хангаж чадахгүй байснаас хөлдөөх шахаж байсан юм. Төвлөрсөн дулааны шугамтай холбох ажил эхэлснээр тус байрны эргэн тойронд орон сууцны хорооллууд сүндэрлэх гэж байгаа гэнэ. Түүгээр барахгүй газрынх нь үнэ ч өсч. Шугам холболтын ажил энэ жилдээ бүрэн дуусна хэмээн холбогдох албаныхан хэллээ.