ОХУ-ын Хабаровск хотноо болж байгаа Бөмбөгтэй хоккейн дэлхийн аварга шалгаруулах тэмцээнд оролцож байгаа манай баг тамирчид тэмцээнийхээ гарааг амжилттай эхлүүлж Хятадын шигшээ багийг 3:2-оор хожсон байна.

Тэмцээний салхийг хагалж мөсөн талбайд хамгийн түрүүнээ гарсан хоёр багийн онооны самбарыг   хятадын тамирчин Йохан Чан эхлээд хөдөлгөж 13 дахь минутад оноо авсан ч ердөө гуравхан минутын дара манай Шинэбаяр тоог тэнцүүлсэн бол нэгдүгээр үеийн төгсгөлөөр Тамир бас нэг оноо авч оноог 2:1 болгожээ.

Ийнхүү манайхан оноогоор тэргүүлсээр  тэмцээний 54 дэх минутад дахин нэг оноо авснаар монголчуудын ялалтаар энэ тэмцээн өндөрлөжээ.