ОХУ-ын Хабаровск хотноо болж байгаа бөмбөгтэй хоккейн Дэлхийн аварга шалгаруулах тэмцээнд оролцож байгаа манай шигшээ багийнхан  энэ тэмцээний салхийг хагалан хамгийн түрүүнээ хятадын багтай тоглож хожсон юм. Харин тэмцээний хоёр дахь өдөр Сомалийн хоккейчдыг 14:0-оор ялжээ.
Эхний үед манай хоккейчид шууд л сомалийн хаалганд дөрвөн бөмбөг оруулсан байна. Хоёр дахь үе эхлээд ч монголын тамричилд ширүүн довтолж бөмбөгийг ар араас нь оруулсаар санаачилгыг гартаа авчээ. Сомалийн хоккейчдод хоёр ч удаа торгуулийн цохилт хийх боломж олдсон ч үүнийг ашиглаж чадалгүй монголчуудад 14:0-оор хожигджээ.

Өнөөдрийн байдлаар Монгол, Герман,  Эстонийн багууд тус бүр хоёр хожилтой яваа бол Латви, Унгарын багууд нэг хожилтой, харин Хятад, Япон, Сомалийн багууд нэг ч хожилгүй байна.
Одоо манай шигшээ баг Нидерландын багтай тоглох бол Япончууд Эстонийн шигшээ багтай, Латвийн баг Унгарчуудтай, хятадууд немцүүдтэй тоглоно.