Ногоон талбайн заналт дайснууд болох Испанийн “Реал Мадрид”, “Барселона” клуб хооронд 17-той тоглогчийн төлөөх “дүрэмгүй тоглолт” өрнөж эхэллээ. Тодруулбал, өдгөө “Барселона”-гийн харьяалалд байгаа залуу тоглогч Ли Сеунг Вуг “Реал Мадрид” сонирхож эхлээд байгаа юм. Өсөх ирээдүйтэй, дараагийн “Од” хэмээн үнэлэгдэж буй Солонгос залуу хүүгийн хувьд анхнаасаа Барсад тоглож байсан ч клубын дотоод асуудлаас болж ФИФА-гаас түүнийг Барсад тоглоход нь хориг тавьчихаад байгаа юм. “Реал Мадрид” ч энэ боломжийг алдахгүй нь мэдээж. Юутай ч барсачууд 17-той залуу тоглогчоо алдахгүй аваад үлдчих бүхий л боломжийг эрэлхийлэх биз ээ.