Монгол Улсын Гадаад харилцааны сайд Г.Занданшатар БНСУ-ын Гадаад хэрэг, худалдааны сайд Ким Сөн Хваны урилгаар энэ сарын 31-нд  БНСУ-д айлчлах гэж байна. Айлчлалын үеэр хоёр улсын Гадаад хэргийн сайд нар “Виз олгох нөхцөлийг хөнгөвчлөх тухай Монгол Улсын Засийн газар, Бүгд найрамдах Солонгос Улсын Засгийн газар хоорондын хэлэлцээр”-т гарын үсэг зурах юм байна. Мөн “Ардчиллын төлөөх Азийн Түншлэл” санаачилгыг хамтран хэрэгжүүлэх, хоёр орон өндөр дээд төвшинд тохирсон эдийн засгийн болон бусад салбарын хамтын ажиллагааны асуудлаар яриа хэлэлцээ хийж, БНСУ-тай Ази, Номхон далайн бүс нутгийн олон талт үйл явцын хүрээнд хамтран ажиллах талаар байр сууриа илэрхийлж санал солилцох аж.