Морин спорт уяачдын холбоо /МСУХ/-ноос жил бүрийн хавар уламжлал болсон Дорноговь аймгийн Дэлгэрэх сумын "Тайжийн хурд" аймгийн хаврын бүсийн уралдааныг ирэх сарын 5-ны өдөр зохион байгуулна.

Тус уралдаанд дээд гурван насны хурдан хүлгүүд тоосоо өргөдөг уламжлалтай. Мөн цэвэр Монгол адуу хурд сорин уралддаг гэдгээрээ ихээхэн онцлогтой. Тус уралдааны өмнөх өдөр буюу гуравдугаар сарын 4-ны өдөр "Морины дууг хэн сайн дуулах вэ" тэмцээнийг зохион байгуулдаг уламжлалтай.