Манай улсад арьс ширний 26  үйлдвэр үйл ажиллагаа явуулдаг. Харин тэднийг байгаль орчин бохирдуулагч, хотоос гарга хэмээж буй. Иймээс өнөөдөр ХХААХҮЯ арьс ширний үйлдвэрийн эзэд болон түүгээр бүтээгдэхүүн үйлдвэрлэгчидтэй зөвлөлгөөн хийлээ. Энэ салбарынхан ноос,  ноолуур, тарилангийн салбарыг төрөөс дэмждэг хэрнээ арьс ширний үйлдвэрүүд болон үүгээр бүтээгдэхүүн үйлдвэрлэгчдийг огт тоохгүй, бүр нүд үзүүрлэж байна.  Бидэнд төрийн дэмжлэг хэрэгтэй. Бид ч гэсэн дотооддоо ажлын байр бий болгож, улсын төсөвт тодорхой хэмжээний татвар бүрдүүлдэг хэмээн гомдоллов.