Мэргэжлийн сумо бөхийн 69 дэх их аварга Хакухо Мөнхбатын Даваажаргалд Монгол Улсын Ерөнхийлөгчийн зарлигаар өнөөдөр "Хөдөлмөрийн баатар” цол олгож Алтан соёмбо медаль,  Сүхбаатарын одонгоор  шагнасан байна. Ингэснээр Монгол Улсын хөдөлмөрийн баатар, дархан аварга Ж.Мөнхбатын хүү мөн  "Хөдөлмөрийн баатар" цолоор шагнуулж, аав хүү хоёр хоёулаа энэ хүндэт цолыг хүртэж  байгаа анхны тохиолдол болж байна.  

Хакухо М.Даваажаргал нь Японы Мэргэжлийн Сумогийн Хамгийн олон түрүүлсэн, Хамгийн олон удаа дараалан түрүүлсэн, Хамгийн олон удаа уналгүй түрүүлсэн, Нэмэлт барилдаанаар хамгийн олон удаа түрүүлсэн юм. Тэрээр энэ жил 34 дэх удаагаа түрүүлж японы мэргэжлийн сумо хамгийн олон түрүүлсэн дээд амжилтыг эвдээд байгаа юм.