Дархан-Уул аймгийн Нийгмийн даатгалын хэлтэс оны эхний таван сарын орлогын төлөвлөгөөг 118,3 хувиар давуулан биелүүлжээ. Мөн нийгмийн даатгал болон ЭМД-д ААН, байгууллага, даатгуулагчдыг хамруулах ажлын төлөвлөгөөг ч давуулан биелүүлжээ. Тус хэлтэс оны эхний таван сард тэтгэвэр авагч 10633 иргэнд 8,9 тэрбум төгрөг, 1698 иргэнд  368,5 сая төгрөгийн тэтгэмж, ажлаас халагдсан 106 иргэнд 88,1 сая төгрөгийн ажилгүйдлийн тэтгэмж олгожээ. Мөн аймгийн Нэгдсэн эмнэлэг болон хувийн хэвшлийн 10 эмнэлэг, 17 эмийн санд 1012,3 сая төгрөгийн санхүүжилт олгосон байна.