Төрийн ордонд өнөөдөр өглөө эхэлсэн “Монголын эдийн засгийн чуулган 2015” одоо салбар хуралдаануудаар үргэлжилж байна.  Дөрвөн салбар хуралдаан нэгэн зэрэг болох юм байна. Энд "Уур амьсгалын өөрчлөлт ба эдийн засаг, нийгмийн хөгжил”, “Институцийн засаглал ба хамтын ажиллагаа”, “Уур амьсгалын өөрчлөлт ба эдийн засаг, нийгмийн хөгжил”, “Мэдээллийн ёс зүй /хариуцлага/” салбар хуралдаанууд болж байгаа юм.
 Эдийн засгийн чуулганыг нээж Монгол Улсын Ерөнхий сайд Ч.Сайханбилэг үг хэлсэн байна. Харин маргааш буюу хаалтын хуралдааны нээлтээр  Ерөнхийлөгч Ц.Элбэгдорж үг хэлнэ.
Ерөнхий сайд форумыг нээж үг хэлсний дараа Нийтлэгч Баабар буюу Б.Батбаяр илтгэл тавилаа.  Тэрбээр "Гэм бурууг бие биеэсээ хайх хэрэггүй" илтгэлдээ "Төрд ойртуулж болохгүй хүмүүсийн жагсаалтыг гаргаж ирнэ. Гэхдээ хавтгайруулахгүйн тулд аливаа зүйлд анхааран ажиллана. Ингээд сонгуулийн үеэр тэднийг сонгохгүй гэдгийг уриална. Бид сайн хүмүүсийн бус муу хүмүүсийн жагсаалтыг гаргана" гэдгийг онцоллоо.
Жил бүрийн хавар Монгол Улсын эдийн засгийн өнгө аясыг тольдож, алдаа оноогоо тандахаар “Эдийн засгийн чуулга уулзалт”-ыг зохион байгуулж ирсэн уламжлалтай.Монголын эдийн засгийн чуулган өнгөрсөн онуудад дараах сэдвүүдээр болж байсан юм.