Урин цаг ирж иргэд хотын утаа шорооноос дайжин зусландаа гарах цаг боллоо. Тиймээс нийслэлийн ногоон бүсийн зуслангийн чиглэлд явах нийтийн тээвэр энэ сарын 04 буюу өчигдрөөс албан ёсоор эхлүүлжээ.
Нийтийн тээврийн том оврын автобусууд Жигжид, Баянбулаг, Гоодой чиглэлүүдэд үйлчилж байгаа. Уг автобусууд Тусгаар тогтнолын талбайн урд авто зогсоолоос явах гэнэ. Харин Өвөр гүнт, Майхан толгой, Яргайт чиглэлүүдэд бага багтаамжийн автобус үйлчлэх бөгөөд 7 буудлаас 7.00 цагт эцсийн буудлуудаас хөдлөх юм байна.
Зуслангийн чиглэлд их багтаамжийн автобусны үнэ том хүн 500 төгрөг, хүүхэд 200 төгрөг, бага багтаамжийн автобус том хүн 600 төгрөг, хүүхэд 200 төгрөгөөр үйлчилж байгаа аж.