Баяр наадмаас урьтаж нийслэлд ямар замын засвар шинэчлэлийн ажил хийх талаар хотын ерөнхий менежер Ч.Бат танилцуулав. Нийслэлийн төсвийн хөрөнгө оруулалтыг 2012 оны Захирагчийн ажлын албаны төлөвлөгөөнд тусгасан байгаа. Энэ хөрөнгөөр санхүүжсэн 40 орчим замд 12720 ам.метр хэвтээ тэнхлэгт 1000 гаруй тэмдэг хийнэ. Мөн 38 замын 25 мянган метр кв талбайд урсгал засвар, Энхтайван, Сонсголон, Яармаг, Зайсан, Арслантай гүүр зэрэг нийт зургаан гүүрний урсгал засварыг хийж дуусгах аж.  Орон сууцны дундах 20 орчим км замд урсгал засвар, 22-ын товчооноос цааших долоон км замын өргөтгөлийг дуусгах юм байна.  Түүнчлэн 3600 ширхэг гэрэлтүүлэг хийж, 80.600 ам.метр  газрыг шинээр зүлэгжүүлэхээр болжээ.