Урд хөршөөс импортолж буй хүнсний ногоонд байцаа тун бага хэмжээтэйгээр ирж байгаа гэнэ. Учир нь, байцаа тээвэрлэлтийн явцад гэмтэх нь амархан байдгаас бага хэмжээгээр захиалдаг байна. Энэ талаар Барс худалдааны төвийн худалдагч Т “Цаанаасаа л бага ирж байна. Учрыг нь сайн мэдэхгүй. Тээвэрлэлтийн явцад их гэмтдэг ногоо. Тэгээд ч төмс шиг өдөр бүр хэрэглэдэггүй болохоор наймаачид ч бага хэмжээгээр оруулж ирдэг юм” гэв. Өнөөдрийн байдлаар байцаа кг нь 900 төгрөгийн үнэтэй байна.