Саяхныг болтол ой хээрийн түймэр газар авч нэлээд хэдэн газарт түймэр асч байгаа тухай Онцгой байдлын байгууллагаас мэдээлж байсан. Тэгвэл өчигдрийн байдлаар улсын хэмжээнд бүх түймрийг унтрааж дуусчээ. Хамгийн сүүлд Завхан аймгийн Яруу сумын Хэц-Улаан багийн “Цагаан ямаат” гэдэг газарт гарсан ойн түймрийг бүрэн унтраасан байна. Өнгөрсөн өдрүүдэд орсон бороо түймэр унтраахад дэм болжээ.