Зам тээврийн осолд хүүхэд олноор өртөж буйг статистик мэдээлэл харуулах болоод буй. Өчигдөр л гэхэд Баянзүрх дүүргийн 10 дугаар хороонд гарсан зам тээврийн ослын улмаас гурван настай хүүхэд нуруу нугасны хүнд гэмтэл авч, эмнэлэгт хүргэгджээ. “MCS-Tiger” үйлдвэрийн урд талын авто зам дээр Хүнд даацын ачааны автомашины араас “Ниссан санни” маркийн суудлын авто машин мөргөсөн уг ослын улмаас 32 настай эрэгтэй нас барж, 23 настай эмэгтэй, болон гурван настай хүүхэд хүнд бэртэл авсан байна.