Монголын хөрөнгийн биржээс “25 жилийн түүхэн дэх хамгийн дээд арилжаагаа хийлээ” гэж мэдээллээ. Хөрөнгийн бирж 1991 онд байгуулагдаж, 1995 оноос бэлэн мөнгөний арилжаа буюу үнэт цаасны хоёрдогч зах зээл эхэлснээс хойш 5042 удаагийн арилжааг зохион байгуулжээ.  
  
Харин энэ сарын 18-ны өдөр 5041 дэх ээлжит арилжаагаар 10 тэрбум төгрөгийн арилжаа хийснээр 2015 он гарсаар хийгдсэн нийт арилжааны дүн 354.4 тэрбум төгрөгт хүрсэн байна. Энэ нь 25 жилийн түүхэн дэх хамгийн дээд амжилт болж байна.

Өмнө нь буюу 2011 онд Хөрөнгийн бирж 350.2 тэрбум төгрөгийн арилжаа хийж байсан бөгөөд 2012 онд 145.1, 2013 онд 98.6, 2014 онд 60.4 тэрбум төгрөгийн арилжаа хийж байсан юм.