Дэлхийн улс  орнууд зургадугаар сарын 30-ны 24 цагт нэг секунд  нэмэх гэж байна. Гэхдээ секунд нэмэхгүй байсан ч энгийн амьдралд өөрчлөлт орохгүй. Харин спортын тэмцээн уралдаан болон банк санхүүгийн үйл ажиллагаанд нөлөөлдөг гэнэ. Астрономын нарийн судалгаагаар дэлхийн бөмбөрцгийн цагийн зүүны дундаж нь нарны цагаас 16 минутаар  зөрдөг  болох нь тогтоогджээ. Үүнээс хойш Гринвинчийн цагийг секундээр нэмэх шаардлагатай болоод байгаа юм. Манай улс энэ өдөр цаг тооллоо нэг секундээр нэмэх бөгөөд Монгол Улсын цаг давтамжийн алба нь 1979 онд байгуулагдан олон улсын зохицуулсан цагаар цагаа тааруулж иржээ.