“Оросын төмөр зам” нийгэмлэг “РЖД” монголын Улаанбааатар төмөр замын хувьцааны 50 хувийг 2019 он дуустал эзэмших тухай зарлигт ОХУ-ын ерөнхийлөгч Владимир Путин гарын үсэг зурсан байна.

Энэ зарлигт “Зөвлөлт-Монголын хувь нийлүүлсэн “Улаанбаатар төмөр зам” нийгэмлэгийн, ОХУ-ын холбооны өмчид байгаа  50 хувийг эзэмших тухай хэлэлцээрийг 2019 оны арванхоёрдугаар сарын 17-ны өдөр хүртэл сунгасугай” гэсэн байна.

Улаанбаатар төмөр замыг 1947 оноос Зөвлөлт-Монголын хэлэлцээрийн дагуу барьж эхлэн хоёр жилийн дараа 400 км замыг ашиглалтад  өгөхдөө ЗХУ, БНМАУ хоёр  “Улаанбаатар төмөр зам” хувьцаат нийгэмлэг байгуулах хэлэлцээрт гарын үсэг зурсан нь өнөө хүртэл хүчин төгөлдөр байгаа юм. 2009 оноос РЖД энэ нийгэмлэгийн хувьцааны 50 хувийг эзэмшиж байгаа юм.