Аюулт үзэгдэл осол энэ оны эхний таван сард 1940 удаа гарсны улмаас 60 хүн амь насаа алдаж, 1.1 мянган толгой мал амьтан хорогджээ. Гарсан гамшиг, аюулт үзэгдлийг дурдвал обьектын гал түймэр 1722, мал амьтны халдварт галзуу өвчин 15, химийн хорт бодисын алдагдалтай холбоотой хэрэг 10 гарчээ. Мөн 13 хүн гол нуурын усанд, 11 хүн уурхайн нурангины осолд өртсөн байна. Аюулт үзэгдэл ослын улмаас оны эхний таван сард 4.9 тэрбум төгрөгийн хохирол учирчээ. Өмнөх оны мөн үеийнхээс аюулт үзэгдэл ослын тоо 390-ээр нэмэгдэж амь насаа алдсан хүний тоо 26-гаар буурчээ.