АНУ-ын Шинжлэх ухаан, олон нийтийн эрх ашгийн төвөөс эрүүл мэндэд хамгийн эрсдэлтэй 10 хүнсний зүйлийг нэрлэжээ. Тус төв ийм жагсаалт гаргахдаа өнгөрсөн 20 жилийн хугацаанд ямар хүнсний зүйлээс болж хэчнээн хүн хордож өвчилснөөр нь тодорхойлжээ. Баримтаар илэрсэн, хамгийн эрсдэлтэй 10 хүнсийн тоонд ногоон навч, өндөг, туна загас, дун, төмс, бяслаг, мөхөөлдөс, улаан лооль, цэцэгт байцаа оржээ. Энэ дундаас ногоон навч хамгийн олон хүн өвчлүүлсэн хүнсний зүйл болох нь илэрсэн байна. Ногоон навчнаас болж 363 удаа нийтийг хамарсан өвчин гарч, 13 мянган хүн өвчилсөн бол жагсаалтын 10-т орсон цэцэгт байцаанаас 3397 хүн хордлого авчээ. АНУ-д 1994 онд мөхөөлдөснөөс болж олныг хамарсан өвчин гарч байсан бол саяхан хүртэл улаан лоолиос үүссэн салмонел өвчин олон нийтийг айлгаж байсан билээ.