Сүүлийн жилүүдэд манай барилгын салбарын бүтээн байгуулалт эрс нэмэгдсэн. Ингээд барилгын материалын үйлдвэрлэл, импорт ч өссөн юм. Бетоны олон улсын хурал энэ сарын 15-ны өдөр Монгол-Японы хөгжлийн төвд  болно. Уг хуралаар бетоны үйлдвэрлэлийн өнөөгийн байдал, материал, чанар стандарт, хяналтын талаар ярилцах аж. Үүнд манайхаас гадна АНУ, Япон, Солонгос, Тайванийн эрдэмтэн судлаачид, барилгын мэргэжилтэнүүд оролцох юм. Хурлын үеэр эрдэмтэд лек уншина. Тухайлбал монголын талаас академич Д.Дашжамц “Барилгын суурь болон газар доорх байгууламжийн бетонд тавигдах шаардлага”, порфессор Ч.Дэндэвдорж “Өндөр үзүүлэлттэй бетоны бүтэц бүрэлдэлт” сэдвээр лек унших ажээ.