Энэ жилийн зам засварын ажлын гүйцэтгэгчид хэдийнэ тодорч, ажилдаа ханцуй шамлан орсон. Одоогийн байдлаар хөдөө орон нутгийн зам засварын ажил гэхэд 22.5 хувьтай явж байгаа тухай албаныхан хэлж байна. Улсын чанартай орон нутгийн зам засварын ажилд нийт 11.2 тэрбум төгрөг төсөвлөж 23 компани гүйцэтгэгцээр тодорсон юм. Төлөвлөгөөний дагуу есдүгээр сарын 1 гэхэд дуусах юм байна. Сүүлийн үед орон нутгийн замаар зорчих хүнд даацын автомашины тоо эрс нэмэгдсэн учраас тэр хэмжээгээр зам эвдрэх болжээ.